POGBA+PAUNI 200 KUMFIKISHA NEYMAR JR KATIKA UWANJA WA OLD TRAFFORD,NDANI YA KIKOSI CHA SPECIAL 1.

Manchester United imepanga kupindua meza kibabe na kuibwaga Real Madrid katika mchakamchaka wa kumnasa supastaa wa Paris Saint-Germain, Neymar. 

Man United imemwambia Neymar mwenyewe kwamba itachuana na Real Madrid katika kuinasa saini yake kama PSG itakuwa tayari kumruhusu kuondoka kwenye dirisha lijalo la usajili. 

Fowadi huyo ataigharimu zaidi ya Pauni 200 milioni na Man United imeweka wazi ipo tayari kuvunja rekodi hiyo ya dunia pamoja na kumpa mshahara anaolipwa huko Paris wa Pauni 30 milioni kwa mwaka ili tu atue Old Trafford. 

Real Madrid imekuwa ikiaminika kuongoza kwenye mbio za kumnasa mchezaji huyo ambaye aliushangaza umma wa wapenzi wa soka duniani wakati alipokubali kuihama Barcelona na kwenda PSG kwa ada ya Pauni 198 milioni. Lakini, Man United inaamini itatumia uhusiano wake mzuri na baba yake Neymar, Neymar Santos Sr kumsajili mchezaji huyo ambaye mara kadhaa Kocha Jose Mourinho amekuwa akibainisha matumaini yake ya kufanya naye kazi ili kuifanya kikosi chake kuwa tishio kwenye Ligi Kuu England na Ligi ya Mabingwa Ulaya. 

Kama Man United itafanikiwa kumnasa Neymar kwa kuizidi ujanja Real Madrid, basi itakuwa matata kwelikweli msimu ujao kwenye ile fowadi yake, ambapo itakuwa na wakali watatu akiwamo Alexis Sanchez na Romelu Lukaku, huku kwenye kiungo akiwa Paul Pogba.