Huyu ndio mrithi wa kweli wa zidane Mauricio Roberto Pochettino Trossero.

Achana na uvumi wa mitandaoni uliosambaa juzi kuhusu Arsene Wenger na Real Madrid. 

Kocha hasa anayetakiwa na wababe hao wa Santiago Bernabeu baada ya kocha wake, Zinedine Zidane kuachia ngazi ni huyu hapa, Mauricio Roberto Pochettino Trossero. 

Mauricio Pochettino, kocha wa Tottenham ndiye chaguo la kwanza la Real Madrid katika mchakato wake wa kumpata kocha mpya wa kuchukua nafasi ya Zidane ambaye kuondoka kwake ghafla kumewashangaza wengi. 

Sasa habari kubwa iliyogonga vichwa vya magazeti mbalimbali leo hii ni kuwa, Pochettino kutoa kauli tata itakayowapa hofu mashabiki wa Tottenham baada ya kusema kuwa atawasikiliza Real Madrid iwapo watamfuata kutaka huduma yake. 

“Real Madrid wanapokuita, unapaswa kuwasikiliza,” Pochettino aliliambia gazeti la El Confidencial. Lakini pia kocha huyo baadae akapoza gumzo kwa kusema, “Pamoja na hayo, hili halipo mikononi mwangu. Nimesaini mkataba mpya Tottenham na nina furaha kuwa pale”. 

Hata hivyo, vyanzo vya karibu vya Madrid vinadai Rais wa klabu hiyo, Florentino Perez anamtaka Pochettino ambaye ni Muargentina kwa ajili ya kukisuka upya kikosi cha Madrid lakini hata hivyo, bado klabu hiyo haijaongea na Pochettino mpaka sasa. 

Ikumbukwe kuwa, Pochettino alisaini mkataba mpya wa miaka mitano Tottenham mapema wiki iliyopita na habari za ndani zinadai hakuna kipengele kinachomruhusu kuondoka White Hart Lane kwa dau fulani la pesa.